Opuscula quaedam argumenti philosophici / Ex autographo ... nunc primum edidit Jac. Joh. Garth Wilkinson.

  • Swedenborg, Emanuel, 1688-1772
Date:
1846
Catalogue details

Licence: Public Domain Mark

Credit: Opuscula quaedam argumenti philosophici / Ex autographo ... nunc primum edidit Jac. Joh. Garth Wilkinson. Source: Wellcome Collection.

    20/146 (page 4)
    Si velis in his castris mereri sera, omnem prius operam et mentis aciem impendes elimandis excutiendisque iis, quae proxime rem tangunt et famulantur. Aperiet tibi fores anatomica perscrutatio corporum animalium, et imprimis cerebri, cerebelli, utriusque medullae, et nervorum; sine quorum penitus acquisita cognitione, nequicquam ad hujus Themidos recessus aspirare potes : qualis enim natura est in invisis, divinare nequis nisi ex visis, et qualis est in causis, non nisi quam ab effectibus tandem ad quendam nostrum sensum pervenientibus; nam qua¬ lis intus agit mens, nescies nisi lustraveris ejus faciem, hoc est, nisi investigaveris ejus cerebra et medullas. Nec sic quidem conjicies, quomodo anima vires suas explicat, nisi omnium vis¬ cerum corporis nexus; ut et sensuum externorum organa, quae symbolas suas conferunt, ut organa internorum sensuum exculta usque ad animam pateant, evolveris. “ Tota in minimis existit natura,” testante id etiam Clar. Mal- pighio in Bombyce; nec exstat ante oculos et reliquorum sensuum organa, quam series rerum a minimis per plures gradus multi¬ plicatae, et tandem crassiusculae factae se tanquam minimas re¬ praesentant, in quibus ideo primo terminum et causas rerum, quas tamen occulunt, statuere solemus; hinc nihil aliud ab his sperandum est, quam ut subministrent menti ultimos effectus, a quibus haec per suam analysin ad principia progredi possit, sunt etiam unica media, ex quibus per nexum judicet: sed via diffi¬ cilis et operosa est; nam si in aliquibus modo datis et phoenome- nis haeremus, formamus ideam causarum illis quasi conformi¬ um, sed nihil tamen usque confirmant, nisi omnia, quaecunque illam rem proxime et remote tangunt, etiam consensum suum praebeant; sique veritas sit, nusquam deest consensus, nam nihil non accedit cum suo calculo ; est enim nexus omnium rerum in mundo, quia ab universalissimo uno pullulant, hinc de nulla re veritas ut explorata potest praedicari, nisi omnia cum suo con¬ sensu accurrant; sic quicquid jam de cerebro transigendum venit, id confirmabit omne quod ab eo dependet, hoc est, totum corpus cum omni suo viscere, organo, parte, solido et fluido; ipsa etiam historia morborum ejus et animi; tum etiam quicquid novit chymia et physica experimentalis, ut et reliquae artes, nam na¬ tura animalis in suo regno per omnes artes ad suos effectus per¬ fectissime vadit. Talis enim est nexus omnium scientiarum ad